Aktori turk, Necati Şaşmaz është akuzuar së fundmi  nga ish-bashkëshortja se e ka rekrutuar djalin e tyre në një kult fetar.

Nagehan Kaşıkçım ka publikuar një video nga sekti “Kadiri Nejati Shashmaz”, ku bën pjesë aktori dhe djali.

“Djali im tetëvjeçar ishte viktimë e këtij kulti. Ata e shohin si udhëheqës dhe i puthin dorën. Nuk dua që fëmijët e mi të përfshihen në këtë kult, ku praktikat janë çnjerëzore “ u shpreh Nagehan.

Gjithashtu ajo ka treguar se djali është dërguar nga Necati në një vend të mbyllur ku kishte njerëz shumë të mëdhenj, të cilët u mblodhën rreth tij për të bërë disa lëvizje, që ai nuk mund t’i kuptonte, të cila ishin kundër vullnetit të tij.

Mirëpo këto akuza janë hedhur poshtë nga avokatët e Sasmaz të cilët kanë deklaruar se kulti nuk është i vërtetë si  dhe ritet e përshkruara nga ish-bashkëshortja.